చంద్రబాబును, లోకేశ్ ను తిట్టడమే పనిగా పెట్టుకున్నారు: చినరాజప్ప విమర్శలు
- టీడీపీ హయాంలో అవినీతి జరిగిందని ఆరోపించారు
- అధికారంలో వున్న జగన్ ఎందుకు విచారణ జరిపించడం లేదు?
- రాజధాని అవసరాన్ని జగన్ గుర్తించాలి
టీడీపీ అధినేత చంద్రబాబునాయుడుని, నారా లోకేశ్ ను తిట్టడమే మంత్రులు పనిగా పెట్టుకున్నారని ఆ పార్టీ నేత చినరాజప్ప విమర్శించారు. ఈరోజు ఆయన మీడియాతో మాట్లాడుతూ, టీడీపీ హయాంలో అవినీతి జరిగిందని ఆరోపణలు గుప్పించిన జగన్, ఇప్పుడు విచారణ జరిపి చర్యలు ఎందుకు తీసుకోలేదని ప్రశ్నించారు. ఈ సందర్భంగా రాజధాని అమరావతి గురించి ఆయన మాట్లాడారు. రాజధాని అవసరాన్ని జగన్ గుర్తించాలని సూచించారు. రాష్ట్రంలో పెట్టిన పెట్టుబడులన్నీ ఇప్పటికే వెనక్కి వెళ్లిపోయాయని విమర్శించారు. రాజధాని గురించి మంత్రి బొత్స సహా కొందరు మంత్రులు తమ నోటికొచ్చినట్టు మాట్లాడుతున్నారని మండిపడ్డారు.
